Fjallkonan afmeyjuð.

Mánudaginn 2.desember barst út ógnvænleg frétt á öldum ljósvakans.  Geðsjúkur maður skaut úr íbúð sinni á lögregluna og hún til baka. 

Þegar á daginn leið kom í ljós að maðurinn hafði verið særður til ólífis.  Einhvernveginn flaug það gegnum huga manns að þarna hafi fjallkonan á vissan hátt verið afmeyjuð.  Við sem höfum lifað í þessu landi urðum í fyrsta skipti í sögunni vitni af því að lögreglan banaði manni með skotvopni. 

 Ekki hefur enn komið í ljós hvernig þetta gat átt sér stað, en líklegt má telja að um sé að kenna margvíslegum samverkandi ástæðum.  Hérna var auðvitað um harmleik að ræða og mikil er skömm þess þjóðfélags sem lætur svona nokkuð viðgangast, að fársjúkur maður fái ekki þá umönnun sem hann þarfnast og að hann skuli óáreyttur getað komist yfir skotvopn, hvernig sossem það hefur gerst, og ömurlegt er til þess að vita að menn skuli eyða peningum í fánýtt brauð og leiki í stað þess að koma á fót þolanlegri félagsþjónustu í sveitafélagi sínu. 

Athugasemdir

[Kristján B Kristinsson (IP-tala skráð) 5.12.2013 kl. 22:41]

Sæll Reynir, það er vonandi að þetta verði til þess að ráðamenn vakni og fari að vinna af alvöru að málefnum geðfatlaðara. þessi atburður er í raun punkturinn yfir i-ið á margra ára skeytingaleysi stjórnvalda á vanda þessa fólks eins og komið hefur fram í kastljósinu að undanförnu.